တရားပွဲ အားခဲ၍ လာစေချင်

တရားဟောလာတာ ကြာပါပြီ။ ပရိသတ် နည်းသည်ဖြစ်စေ များသည်ဖြစ်စေ ကိုယ့်ဘက်ကတော့ မလျှော့ခဲ့ဘူး။ အမြဲ စိတ်ပါလက်ပါ အားတက်သရော ဟောခဲ့တာပါ။ မှတ်မှတ်ရရ လွန်ခဲ့တဲ့ ဆယ်နှစ်က ရန်ကုန် စန်းမြသီတာ မဟာစည်ရိပ်သာမှာ ကျောင်းစထိုင်ရတဲ့ ဝါဆို။ တရားနာ ပရိတ်သတ် ၆ယောက်နဲ. ဝါတွင်း ဝါပ ဥပုသ်သီတင်းစဉ်မပျက် တရားဟောခဲ့ဖူးတယ်။ အဆုံးအမတော်
တစ်ခု အာရုံပြု၍ ဆိုပါစို.။

“ခြေင်္သေ့သည် သားကောင်အငယ်ကိုပဲဖမ်းဖမ်း သားကောင်အကြီးကိုပဲ ဖမ်းဖမ်း မိမိရဲ. အစွမ်းအစကို အကုန်သုံးပြီး မပေါ့မဆ ထိထိရောက်ရောက် ဖမ်းတယ်” ဆိုတဲ့ အဆုံးအမတစ်ခု အရင်းပြုပြီး ပရိတ်သတ် ၆ယောက်ကိုဟောလည်း ၆၀၀ကို ဟောသလိုပဲ အစွမ်းကုန် ဟောခဲ့ပါတယ်။ တစ်နှစ် နှစ်နှစ် အတော အတွင်းမှာပဲ ပရိသတ် ၅၀/၁၀၀ ကနေ အများဆုံး ၃၀၀/၄၀၀အထိ စုမိလာခဲ့ပါတယ်။ အတွေ.အကြုံအရ အလုပ်ကို တကယ်ယုံပါတယ်။ အားလုံးကိုလည်း ယုံစေချင်တယ်။ ကံ ဆိုတာ အလုပ်ပါ။ “ကံကောင်းလိုက်တာ”လို. ပြောလာကြတဲ့သူတွေကို  ပြုံးပြပြီး အသာနေလိုက်ပေမယ့် “ကံဆိုတာ မိုးပေါ်ကျ မဟုတ်သလို ထာဝရဘုရားက ဖန်ဆင်းပေးလိုက်တာလည်း မဟုတ်ဘူး”ဆိုတာ သိစေချင်လိုက်တာ။
                        အသံမကောင်း အပြောလည်းမကောင်း အဟောလည်းမကောင်းပေမယ့် အကောင်းပြောဖို. ကြိုးစားနေလို. တရားတောင်းသူတွေ အမြဲရှိနေတာပါပဲ။ ပရိတ်သတ်များတဲ့ ဗိုလ်တစ်ထောင်ဘုရားလို ဒိတ်ဒိတ်ကြဲပွဲတွေလည်း ဟောဖူးတယ်။ ခြောက်တီးခြောက်ကပ် ရပ်ကွက် ဓမ္မာရုံ ဇရပ်ဆိုလည်း မငြင်းခဲ့ဖူးပါဘူး။ အထူးတရားပွဲ မရှိလည်း ကိုယ့်ရိပ်သာ ကျောင်းတရားပွဲက အမြဲရှိနေတာပဲ။ ကန်တော့ပွဲရှိရှိ မရှိရှိ “သဗ္ဗဒါနံ ဓမ္မဒါနံ ဇိနာတိ” ကျမ်းအလာရှိသားပဲ၊။ ရေသောက်ပြီး ဟောရလည်း ပျော်နေတာပါ။ ရသကိုသိရင် ရတိဖြစ်ပါတယ်။ ကိုယ်လုပ်နေတဲ့ အလုပ်ရဲ. ရသကို သိရင် အဲဒီ အလုပ်မှာ ပျော်မွေ.တာပဲ။
                   ရေစက်လေလား ဘုံပိုင်လား တော့ မသိဘူး။ ကိုရီးယားရောက်သွားတော့လည်း ဘဝ ဘဝ က ဆွေတော်မျိုးတော်တွေက အများသား။ သွားလေရာ တစ်ကျီဆောက် ရောက်လေရာ အမြစ်ထောက် ရွက်ကျပင်ပေါက်လို တိုးနေပွားနေတာပဲ။ ခပ်ငယ်ငယ် အရွယ် စာသင်သားဘဝက နိူင်ငံခြား ပြန် ဆရာသမားရဲ. စကားကို သတိရမိတယ်။ “နိူင်ငံခြား သာသနာပြု နိူင်ငံခြားသာသနာပြုနဲ. ကိုယ့်ကား ကိုယ်မောင်း ကိုယ့်ထမင်း ကိုယ်ချက်စားပြီး လူမငှားနိူင်လို. ကျောင်းဝင်းထဲ ကိုယ်တိုင် မြက်ရိတ်ရင်း သာသနာပြုဖို. နေနေသာသာ  သာသနာ မပျောက်အောင်တောင် မနည်းလုပ်နေရတယ်။ တရားပွဲ ဆိုလည်း နိူင်ငံခြားမှာရှိတဲ့ မြန်မာတွေနဲ.ပဲ ပြီးရတာ များတယ်။ အဲဒီ နိူင်ငံသားက မူးလို.တောင် ရှုစရာ မရှိဘူး”တဲ့။ တစ်ခါက ပြန်ဆုံလို. မှတ်မှတ်ရရ ဆရာသမားကို ပြန်ကြွားခဲ့ပါတယ်။ “ဆရာတော်ဘုရား တပည့်တော် တရားပွဲ ကိုရီယားတွေချည်းပဲ သတ်သတ်လွတ်ဘုရား” လို.။ တပည့်ချစ်တဲ့ ဆရာသမား ဆိုတော့ “ဟုတ်လား ဟုတ်လား” နဲ. မုဒိတာ ပွားရှာတယ်။
             ဒီမှာလည်း ဒီလိုပဲ ၇ ယောက်ထဲကိုလည်း မီးကုန် ယမ်းကုန် ဟောသလို ၇၀၀ကျော် လာခဲ့တဲ့ ဂျယ်ဂျုးဒို ဗုဒ္ဓနေ.လို ပွဲကြီးပွဲကောင်းလည်း ဘုရားတရားအကောင်းကို မပြောင်းမလဲ အသည်းစွဲအောင် ဟောပါတယ်။ ၁ရက် ပွဲလည်းဟောရတယ်။ ဆယ်ရက်ဆက်လည်း ဟောရတယ်။ လနဲ.ချီတဲ့ ပွဲလည်း ရှိတာပဲ။ ပြောချင်တာက တရားဟောလာတဲ့ သက်တမ်းတလျှောက် ပြည်တွင်းမှာပဲဖြစ်ဖြစ် ပြည်ပမှာပဲဖြစ်ဖြစ် တရားနာပရိသတ် အနည်း အများကြောင့် ဒီဘုန်းကြီး လုပ်ရမယ့် အလုပ်အပေါ် သဘောထား မပြောင်းခဲ့ဘူးဆိုတာပါ။
              ပြည်တော်ဦး ကိုရီးယား-မြန်မာ ဗုဒ္ဓသာသနာ့ရိပ်မွန် ဖွင့်ပွဲအပြီး ဒကာတွေနဲ. အနည်းဆုံး တစ်လ တစ်ကြိမ် တရားပွဲ လုပ်ဖို. တိုင်ပင်သဘောတူထားကြပါတယ်။ ဒါပေမယ့် အဲဒီ ဖွင့်ပွဲနေ.က လူတွေ တအားများသွားလို. ပတ်ဝန်းကျင်တိုက်ခန်းက လူတွေ အထိတ်တလန်. ဖြစ်သွားတာကြောင့် နောက်တစ်ခါ လူစုဖို. ကိစ္စက တော်တော်ခက်သွားပါတယ်။ ဒီနိူင်ငံတွေမှာ ထွန်းကားနေတဲ့ အပါ.ထ်မင့် တိုက်ခန်း ယဉ်ကျေးမှုက ဘုန်းကြီးတို.နဲ. အံမဝင်ဘူးဖြစ်နေတယ်။ သူများ မျက်နှာရိပ်မျက်နှာကဲ ကြည့်နေရတာ မျိုးလည်း မဖြစ်ချင်တော့ ဒီလိုပဲ အခြေအနေနဲ. အချိန်အခါအရ စောင့်ကြည့်နေရတာ ၁-လ နီးပါး ကြာသွားပါတယ်။ ကံ အားလျော်စွာပဲ ဗုဒ္ဓဘာသာ အသံလွှင့်ဌာနက ဗျူးချင်တယ်ဆိုလို. ၁၂-၃-၁၀ သောကြာနေ. မှာ မိနစ် ၂၀ ကြာ အင်တာဗျူး အစီအစဉ်တစ်ခု အသံလွှင့်ဖြစ်ခဲ့ပါတယ်။ အပြီးမှာ အသံလွှင့်ဌာန အကြီးအကဲက ဘုန်းကြီး အခက်အခဲရှိရင် ပြောပါဆိုလို. “တစ်လ တစ်ကြိမ် တို.လူမျိုးတွေ စုပြီး တရားပွဲ လုပ်ချင်တာ” ဘုန်းကြီးကျောင်းက အပါ့ထ်မင့်မှာ ဖြစ်နေတော့ ဘေးက မကြည်ဖြူမှာစိုးလို.  မလုပ်နိူ်င်ဘူး ဖြစ်နေတဲ့အကြောင်းကို ပြောပြလိုက်ပါတယ်။  သူက အားတက်သရော လိုလိုလားလားပဲ တပည့်တော် တာဝန်ထားပါဘုရား ဆိုပြီး ဖုန်းတစ်ချက် ကောက်ဆက်လိုက်တာ ဖူဆန်းဗုဒ္ဓဘာသာ အသင်းတိုက် ဓမ္မာရုံကို တနင်္ဂနွေနေ.တိုင်း နေ.လည် ၂နာရီကနေ စပြီး အသုံးပြုခွင့် ရခဲ့ပါတယ်။
                 ကျောင်းဒကာခေါ်ပြီး ဓမ္မာရုံ အနေအထားနဲ. ခရီးသွားလမ်းညွှန်ဖို. တည်နေရာကို သွားကြည့် ဖြစ်ပါတယ်။ ထင်ထားတာထက် အဆမတန် ကောင်းလွန်းနေလို. ငွေမပေးဘဲ အလကားသုံးရမှာတောင် အားနာသလို ဖြစ်မိပါတယ်။ ပြီးခဲ့တဲ့ အင်္ဂါနေ.ကမှ နိူင်ငံကျော် 혜국 스님 တရားပွဲ ကျင်းပသွားတော် လူ ၅၀၀လောက် လာတယ်လို. ပြောပါတယ်။ ဓမ္မာရုံက တကယ့်ကို ပတ်ကားပဲ။ မျက်နှာကျက်မှာ တရားပွဲ မှတ်တမ်းတင် ဗွီဒီယို ကင်မရာကပါပြီးသား။ တိုက်ရိုက် လွှင့်ပြနေတဲ့ ၃၇လက်မ တီဗွီ ၂လုံး ။ ပရိုဂျက်တာ  အပြင် ဝှိုက်ဘော့ စာရေးခုံအထိ လုံးဝဥဿုံ အပြည့်အစုံပါ။ တရားဟောပလ္လင်နဲ. အသံပိုင်းဆိုင်ရာ စက်တွေကလည်း တကယ့်ကို ၂၁ရာစု ခေတ်နဲ. အညီကိုး။ နေရာကလည်း ပြောစရာမရှိအောင် ကောင်းတဲ့နေရာပဲ။ မြို.တော်ခန်းမ ဘူတာနံပါတ် ၇-ဂိတ်နဲ. ၃-မိနစ်ဝန်းကျင်နေရာမှာ။ ဘာမှ အထွေအထူး ပြောစရာမရှိတော့ဘူး။ ကျေးဇူးတင်ကြောင်း လာမယ့် တနင်္ဂနွေ (၂၈-၃-၁၀)နေ. ကစပြီး  တရားပွဲလုပ်မယ့်  အကြောင်း ပြောပြီးပြန်လာခဲ့ပါတယ်။
                  အထက်က ပြောခဲ့သလိုပဲ ပရိသတ်နည်းလို. များလို. ဘုန်းကြီးအနေနဲ. ဘာမှ ပြောင်းလဲသွားမှာ မဟုတ်ပေမယ့် ကိုယ့် ဒကာဒကာမတွေကိုတော့ တရားပွဲ အားခဲပြီး လာကြ စေချင်ပါတယ်။ သဒ္ဓါနည်းလို. တရားပွဲနဲ. မလွဲလွဲအောင် ရှောင်ကြသူတွေများသလို သဒ္ဓါ ကာင်းကောင်းနဲ. တရားတောင်းနေကြတဲ.သူတွေလည်း မနည်းဘူးဆိုတာ မယုံမရှိနဲ. ကိုယ်တွေ.ပါ။ အခု စနေနေ. ညနေတိုင်းလုပ်နေတဲ့ တရားပွဲက ကိုရီးယားလူမျိုးတွေ သူတို.ဟာသူတို. လူစုပြီး ဘုန်းကြီးကို တရားဟောပေးဖို. လာလျှောက်ကြတာပါ။ ဒါတင်မကသေးဘူး  တစ်ပတ်ကို နှစ်ရက်တန်သည် သုံးရက်တန်သည် လုပ်ချင်ပါတယ်ဆိုနေလို. ဘုန်းကြီးကကျောင်းတစ်ဘက်နဲ.မို.လို. အခုတော့ တစ်ပတ် တစ်ရက်နဲ. ကြေနပ်ကြပါ။ နောက်တော့ အချိ်န်တိုးပေးပါ့မယ်လို. ပြောထားရတယ်။
              ဒါကြောင့် ဘုန်းကြီးတို. ဆွေတော်မျိုးတော်တွေကိုလည်း သတိရှိစေချင်ပါတယ်။ နိူင်ငံခြားသားတွေတောင် ဒီလောက် အားတက် သရော လုပ်နေကြတာ တို.တွေ သိပ် သွေးမအေးသင့် ပါဘူး။ တို.တွေက မျိုးနဲ.ရိုးနဲ. မဟုတ်လား။ ခရစ်ယာန်တွေ အနည်းဆုံးထား တစ်ပတ်တစ်ရက် တနင်္ဂနွေနေ. ချပ်ခ်ျ ကျောင်းတက်ကြတယ်။ မွတ်ဆလင်တွေ တစ်နေ. ၅ကြိမ်လား ၆ကြိမ်လား ဝတ်ပြုတဲ့ အပြင် သောကြာနေ. ဗလီတက်ကြတယ်။ တို. ရွှေမြန်မာတွေ တစ်လ မှ တစ်ကြိမ်လုပ်မယ့် တရားပွဲ အားခဲပြီး မလာသင့်ဘူးလား။ အကြောင်းပြမယ် ဆိုရင်တော့ လူတိုင်း သူ.အကြောင်းကိုယ့်အကြောင်း ရှိကြမှာပေါ.။ အားလုံးခေါင်းရှောင်နေကြရင် ခေါင်းဆောင် ဘယ်ရှိမလဲ။ လက်ရှိ တို.တိုင်းပြည် ပြဿနာ သက်ဆိုးရှည်နေတာလည်း ဒီအကျင့်ဆိုးကြောင့်ပဲ မဟုတ်လား။ တာဝန်သိသူမှာ တာဝန်ရှိနေပါတယ်။ အမျိုးဘာသာ သာသနာ အရေးဆိုတာ တကယ်တော့ ကိုယ့်ရေးကိုယ်တာထက် မနှိုင်းစာနိူင် လောက်အောင်ကို အဆမတန် အရေးကြီးပါတယ်။ ဂျုး ရဟူဒီ (အစ္စရေး) သမိုင်းကို လေ့လာကြည့်ပါ။ နှစ်ပေါင်း ၂၀၀၀ကျော် နိူင်ငံပေါင်း များစွာက နှိပ်ကွပ်လို.မရတာ ဘာကြောင့်လဲ။ ဒေါက်တာ သန်းထွန်းကို အသံလွှင့်ဌာန တစ်ခုက “ဆရာကြီး သမိုင်းကို ဘာကြောင့် သင်ရတာလဲ” ဆိုတော့ “သမိုင်းမသင်ရင် အ သွားလိမ့်မယ်”လို.ဖြေပါတယ်။ ဘုန်းကြီးတို. ဒကာတွေ ဒါ အခွင့်အရေးကောင်းဆိုတာ သတိပြုမိ စေချင်တယ်။ အသံလွှင့် ဌာနနဲ. ဒီက  လူတွေ စိတ်ဝင်စားမှုရှိနေတဲ့ အချိန် ကိုယ့် အမျိုးဘာသာ သာသနာနဲ. ယဉ်ကျေးမှုကို ပြသခွင့်ရတာ တကယ့် ခွင်ပါ။ “မိမိ မှီခို သာသနာကို ဘယ်လို ချစ်ရမည်။ မိမိ အတွက် ဂုဏ်မပျက် ဂုဏ်တက်စေရမည်။”  ဆိုတဲ့ စာသင်သားဘဝ က ဆိုခဲ့ရတဲ့ သစ္စာအဓိဋ္ဌာန်စကားကို လက်ဆင့်ကမ်းချင်ပါတယ်။ ငါတည်းဟူသော တစ်ယောက်ရဲ.အားက ငါလိုလူအများနဲ. ပေါင်းမိသွားတဲ့အခါ မယုံနိူင်စရာကောင်းလောက်အောင် ပေါက်မြောက် အားကြီးသွားတာ သမိုင်းမှာ သာဓကတွေ တပုံ တပင်ကြီး မဟုတ်လား။ ဒါကြောင့် “ငါသွားလည်း မထူးပါဘူး”လို. ဘယ်တော့မှ မိုက်မိုက်မဲမဲ မတွေးပါနဲ.။ “မထူးပါဘူး ဆိုတဲ့ အတွေးကြောင့် ဘယ်တုန်းကမှ ဘယ်သူကမှ ထူးခြားတဲ့ အလုပ်တွေကို မလုပ်နိူင်ခဲ့ကြပါဘူး”။ ဘယ်တော့မှလည်း လုပ်နိူင်ကြမှာ မဟုတ်ဘူး။ ပြောခဲ့သမျှစကား သေချာ စဉ်းစားပြီး ရွှေမြန်မာတွေ အားလုံး တရားပွဲကို အားခဲ လာခဲ့စေချင်ပါတယ်။

ဒုလ္လဘ ငါးဖြာရဖို.ရာ လွန်စွာ ခဲယဉ်းသည်။

ဘုရားသာသနာ ကြုံဖို.ရာ လွန်စွာ ခဲယဉ်းသည်။
ကြုံခဲလှစွာ သာသနာ တွေ.ကြုံနေရပြီ။

လူအဖြစ်ဟာ ရဖို.ရာ လွန်စွာ ခဲယဉ်းသည်။
ရခဲလှစွာ လူ.အဖြစ်ဟာ ရခါနေကြပြီ။

ယုံကြည်သဒ္ဓါ ရဖို.ရာ လွန်စွာ ခဲယဉ်းသည်။
ရခဲလှစွာ မြတ်သဒ္ဓါ ရခါနေကြပြီ။

ရှင်ရဟန်းအဖြစ်ဟာ ရဖို.ရာ လွန်စွာ ခဲယဉ်းသည်။
ရခဲလှစွာ ရှင်အဖြစ်ဟာ ရခါနေကြပြီ။

တရားဓမ္မာ နာဖို.ရာ လွန်စွာ ခဲယဉ်းသည်။
နာရခဲစွာ မြတ်ဓမ္မာ နာခါနေရပြီ။

ရခဲလှစွာ ဒုလ္လဘာ ရခါနေကြပြီ။ ဟူသော ရှင်တော်ဟောကြား မြတ်တရား

“မကောင်းတာလုပ်ချင်ပေမယ့် အောင့်အည်းသည်းခံပြီးနေရတယ် မလုပ်ရဘူး။ ကောင်းတာ လုပ်ချင်စိတ် မရှိတဲ့အခါလည်း အောင့်အည်း သည်းခံပြီး လုပ်ဖြစ်အောင်လုပ်ရမယ်” ဆိုတဲ့ မစိုးရိမ် ဆရာတော် ဘုရားကြီးရဲ. စကား။  

“ကုသိုလ် ဥစ္စာ ကျန်းခန်.သာ၍ ပညာ တန်ခိုး တစ်မျိုးမျိုးမှ အကျိုးမထွက် ထိုနေ.တွက်သက်သက် ဝမ်းနည်းဖွယ်” ဆိုတဲ့ သူတော်ကောင်း အဆုံးအမများကို မှတ်သားနာယူ ကြည်ဖြူစိတ်ထား ကျင့်ကြံ ပွားများ နိူင်ကြပါစေကောင်း သင်္ကြန်အကြို မေတ္တာရေလောင်း လိုက်သည် ရွှေမြန်မာအပေါင်း သူတော်ကောင်းတို. စိတ်အစဉ် အေးမြစေကြောင်း။









 

Posted in: ဆောင်ပါးများ