ရာဇဝင်ထဲက ကင်မ်ဟဲ

(김해시삼계동여여전사불교대학) ကင်မ်ဟဲမြို. ဆာမ်ဂါယ်ရပ်ကွက် ယောယောဂျောန်ဆာ ဗုဒ္ဓတက္ကသိုလ်၌ ၂၀၁၀နှစ်သစ်အတန်းကို တစ်ချိန်လျှင်(၂)နာရီကြာ စုစုပေါင်း (၆)ကြိမ် ဝိပဿနာသင်တန်း ပို.ချပေးရန်ရှိရာတွင် ပထမအကြိမ်ကို ၂၆/၃/၁၀သောကြာနေ. နံက်(၁၀) နာရီအချိန်တွင် စတင်မည် ဖြစ်ပါသည်။

ဗုဒ္ဓဘာသာသည်ကိုရီးယားနိူင်ငံသို. တရုတ်နိူင်ငံမှတဆင့် ဝင်ရောက်လာခဲ့သည်ဟု အစဉ်အလာအားဖြင့် လူသ်ိများကြပါသည်။ လူသိနည်းသော်လည်း ကင်မ်ဟဲမြို.သည် ရာဇဝင်အရ အိန္ဒိယနိူင်ငံမှ ကိုရီးယားနိူင်ငံသို. ဗုဒ္ဓဘာသာ တိုက်ရိုက်ဝင်ရောက်လာရာ ဆိပ်ကမ်းမြို.အဖြစ် ယုံကြည်ကြပါသည်။ အိန္ဒိယနိူင်ငံမှ ကြွရောက်လာသော မင်းသမီး၏ အဆက်အနွယ်များ ယခုလက်ရှိ ကာလ၌ မိသားစုအနွယ် ကင်မ်ဟဲဂီမ် အမည်ရသူများ (기해김씨 Family Name Kim) ဖြစ်လာသည်ဟု မှတ်သားမိပါသည်။
         ယမန်နှစ်၂၀၀၉နှောင်းပိုင်း အတန်းအား သင်တန်းပို.ချခဲ့စဉ်က ထိုအကြောင်း အရာကို ထည့်သွင်းပြောဆို၍ မျက်မှောက်ခေတ် ကိုရီးယားဗုဒ္ဓဘာသာ၏ ပြောင်းလဲ တိုးတက်မှုတွင်လည်း ကင်မ်ဟဲဗုဒ္ဓဘာသာဝင်များက အဓိကပင်မတွန်းအားအဖြစ် ပါဝင် ဆောင်ရွက်နိူင်ရန် ဘုရားရှင်၏ စစ်မှန်သောတရားတော်များကို အားကြိုးမာန်တက် သင်ယူ ကျင့်သုံးဖို.အရေး တိုက်တွန်းအားပေးခဲ့ဖူးပါသည်။ တရားနာပရိသတ်များသည် မိမိတို. သမိုင်းကို နိူင်ငံခြာသား မြန်မာရဟန်းတစ်ပါးက ဖေါ်ထုတ်ပြောဆိုနေခြင်းကို အလွန် သဘောကျ နှစ်ခြိုက်ကြသည်ကို သတိထားမိပါသည်။
        ကင်မ်ဟဲမြို.သည် အလုပ်ရုံစက်ရုံများစွာ တည်ရှိရာ စက်မှုလက်မှုနယ်မြေတစ်ခု ဖြစ်ပြီး နိူင်ငံခြားသား အလုပ်သမား အမြောက်အများရှိသော မြို.တစ်မြို.ဖြစ်သည်။ မြန်မာ အလုပ်သမား တော်တော်များများလည်း ကင်မ်ဟဲရှိ စက်ရုံအလုပ်ရုံများတွင် နေထိုင် လုပ်ကိုင်လျက်ရှိကြသည်။ ပြည်တော်ဦး ကိုရီးယား-မြန်မာဗုဒ္ဓသာသနာ့ရိပ်မွန်ကို တည်ထောင်ရန် စတင်စဉ်းစားစဉ်အခါက ကင်မ်ဟဲမြို.၌ အခြေပြုရန် ရည်ရွယ်ခဲ့ဖူးပါသည်။ သို.သော်လည်း ဘုန်းကြီးကိုယ်တိုင် ဖူဆန်းမြို.ရှိ ဘူကရောင်းအမျိုးသားတက္ကသိုလ်၌ မဟာဝိဇ္ဇာတန်း တက်ရောက်သင်ယူရန် အကြောင်းဖန်လာသဖြင့် ဖူဆန်းမြို.တွင် အခြေချခဲ့ရခြင်းဖြစ်သည်။
         တက္ကသိုလ်တစ်ဘက်နှင့် ကင်မ်ဟဲအထိ တရားဟောထွက်နေခြင်းကို ဖူဆန်း ယောဂီများက ဘုန်းကြီးပင်ပန်းမည်စိုး၍ အားမပေးကြပါ။ ကျောင်းအချိန်များနှင့် ဆွမ်းစားချိန်တိုက်ဆိုင်နေ၍ တစ်နပ်ဆွမ်းနှင့်ပြီးရသောရက်များ ရှိသည်ကိုသိနေ၍လည်း ကျန်းမာရေးအတွက် စိုးရိမ်ပူပန်ကြပါသည်။ သောကြာနေ. (၁၀)နာရီအတန်းရှိလျက်နှင့် ကျောင်းချိန်ဖျက်၍ တရားဟောထွက်သည်ကို သိသောအခါ အံ့သြတကြီး တားမြစ် ကြသည်။ဘုန်းကြီးအတွက်တော့ တက္ကသိုလ်က သာမည တရားဟောတရားပြက ပဓာနဖြစ်ကြောင်း ရှင်းပြတော့မှ သဘောကျလက်ခံသွားကြပါသည်။
      တကယ်တော့ ဘုန်းကြီးကိုယ်၌က ကင်မ်ဟဲကို မသိမသာစွဲလမ်း၍နေပါသည်။ တခြားကြောင့်မဟုတ်ပါ ဗုဒ္ဓဘာသာနှင့်ဆက်စပ်သော ကင်မ်ဟဲ၏ ပိုင်အိုးနီးယားရာဇဝင်ကြောင့်ပင်ဖြစ်သည်။ ဂိုအင်ကာကြီးက ဗုဒ္ဓဘာသာ၏မူလ အိန္ဒိယမှာ ဗုဒ္ဓဘာသာ ပြန်လည်ထွန်းကားဖို. အိပ်မက်မက်သည်။ ဘုန်းကြီးလည်း သမိုင်းထဲကကင်မ်ဟဲကို မော်ဒန်ကိုရီးယားခေတ်မှာ ပြန်တမ်းတချင်စရာကောင်းတဲ့ ဇာတ်ကြောင်းတစ်ခု ဖြစ်စေချင်တယ်။ ကင်မ်ဟဲရေစက် မပျက်မကွက် ဆက်လက်၍ သာသနာအကျိုး သယ်ပိုးနိူ်င်ရပါစေသား။

Posted in: ဆောင်ပါးများ