ပြည်တော်နိဗ္ဗာန်ဦးမဂ္ဂံပြည်တော်ဦးက မဂ်ရှစ်တန်ရွှေပြည်နိဗ္ဗာန်ဆိုက်ရောက်ရန်ပြည်တော်ဦးတဲ့ မဂ်လမ်းမှန်ရွှေပြည်တော်နိဗ္ဗာန်နန်းကိုလမှန်းဆမျှော်မြင်ဦးအစ မဂ်ရှစ်အင်ပြည်တော်ဦးမဂ်လမ်းစဉ်ကိုရွှေဘုန်းရှင် တွင်တွင်ပွားကြပါစို့လေး...။ ဝါ နှစ်ဆယ်ရောက် လျှောက်ခဲ့တဲ့လမ်း အခန်း(၂) ~ pyidawoo

Pages

Saturday, February 27, 2010

ဝါ နှစ်ဆယ်ရောက် လျှောက်ခဲ့တဲ့လမ်း အခန်း(၂)

 ...“အစိန္တိတမ္ပိ ဘဝတိ၊ စိန္တိတမ္ပိ ဝိနဿတိ။” ကြံစည်မထားတာတွေလည်း ဖြစ်လာတတ်တယ်၊ ကြံစည်ထားတာတွေလည်း ပျက်တတ်တယ် ဆိုတဲ့ ဘုရားဟော ရှိတာ အားလုံး အသိပါ။ ငယ်ငယ်တုန်းက “ကြီးရင် ဘာလုပ်မလဲ” လို. ဘယ်သူကမေးမေး “ဗိုလ်ချုပ်ကြီး လုပ်မယ်” လို. အမြဲဖြေခဲ့တယ်။ “စစ်သားကြီး လုပ်မယ်။ စစ်ဗိုလ်ကြီး လုပ်မယ်” လို.တောင် ဘယ်တော့မှ မပြောဘူး။ [သားသားကတော့ ဗိုလ်ချုပ်ကြီးပဲ တစ်ပြားမှ မလျှော့ဘူး။း)]

...
မှတ်မိသေးတယ် သတင်းစာထဲမှာ ဗိုလ်ချုပ်ကြီးတွေ ဓာတ်ပုံပါရင် သဘောကျလိုက်တာလေ။  အားကျလိုက်တာ မပြောနဲ.တော့ (သိမှ မသိတာ ခလေးဘဝ ဗာလ လေ။) အဲဒီလို ဦးထုပ်ကြီးဆောင်း အဲဒီဝတ်စုံကြီး ဝတ်လိုက်ရင် ငါ့ပုံက ဘယ်လို နေပါလိမ့်မလဲ လို. မှန်းကြည့်ရတာ အမောပဲ။ ဒါတင်မကသေးဘူး။ အခုသတိရရင် အခု ပြုံးမိတယ်။ ဗိုလ်ချုပ်ကြီးတွေရဲ. နာမည်တွေ      လျှောက်ဖတ်ပြီး ကိုယ့်နာမည်ရှေ.မှာလည်း ဗိုလ်ချုပ်ကြီး တပ်ပြီး အကြိမ်ကြိမ် ဆိုကြည့်မိသေးတယ်။ ငါ ဗိုလ်ချုပ်ကြီးဖြစ်ရင် ငါ့နာမည်နဲ. ရှေ.က ဗိုလ်ချုပ်ကြီး ဆိုတာကြီးက လိုက်မှ လိုက်ပါ့မလားပေါ့လေ။ စိတ်ပူလိုက်သေးတယ်။ အဲဒါ ဆိုကြည့်တိုင်း “ဟင် ဘယ်လိုကြီးမှန်းလဲ မသိဘူး” လို. ကိုယ့် နာမည် ကိုယ် မကြိုက်လိုက်တာလေ။ ဗိုလ်ချုပ်ကြီးမြတ်ဘုန်းသော်”သတင်းစာ ဖတ်တဲ့လူတွေ ငါ့နာမည်ဖတ်ပြီး ရီမယ်ထင်တယ်။ (ဖြစ်များဖြစ်ခဲ့ရင် အဆဲတောင်ခံရဦးမယ်။ တော်သေးတယ် အမေကယ်လို.”)  ဒါကြောင့် သတင်းစာဖတ်ပြီး အမေ့ကိုသွား ဂျီကျတာလည်း အကြိမ်ကြိမ်။ 
“အမေ သားကို နာမည်ပြောင်းပေးပါ။”
“ဟင် ဘာဖြစ်လို.လည်း သားရယ်? သားနာမည်က ဒီလောက်လှတာ။”
“သားသားတော့ မကြိုက်ပါဘူး။ မိန်းမနာမည်ကြီးကျနေတာပဲ။”
“ပြီးတော့ ကျောင်းမှာ ကျောင်းခေါ်ချိန် ခေါ်တော့လည်း အမြဲ ဝိုင်းအရီခံရတယ်။”
“သားသား အလှည့်ရောက်ပြီဆိုရင် ဆရာ ဆရာမ အသစ်တွေက နာမည် မဖတ်တတ်လို. အကြာကြီး ထစ်နေရော။” 
“ပြီးရင် ယောကျာင်္းလေးလား? မ်ိန်းခလေးလား? မေးတော့ အရီခံရပြန်ရော”
“ထပ်ပြီး မြတ် ---ဖုန်းသော် လို. ခေါ်ရမှာလား? မြတ် --- ဘုန်းသော် လို. ခေါ်ရမှာလား မေးတော့ အားလုံး ဝိုင်းရီကြပြန်ရော”
“သားသား ရှက်တယ် အမေ။ ပြောင်းပေးပါ။”
“သားက ဘယ်လို ပြောင်းချင်တာတုန်း?” 
“သတင်းစာထဲမှာ ဗိုလ်ချုပ် ရဲဂေါင် ဆိုတာတွေ.တယ်။ သားသား အဲဒီနာမည် သိပ်ကြိုက်တာပဲ။”
“သားက ကြာသပတေးသား ဥစ္စာ”
“ဒါဆိုရင် မင်းဂေါင် လို. ပြောင်းပေးပါ အမေရယ်”
“မပြောင်းပါနဲ. သားရယ်။ သားနာမည်က အကောင်ဆုံး”
“မြင့်မြတ်တဲ့ ယောကျာင်္း အာဇာနည်ဖြစ်ပါစေလို. ကြာသပတေးသားမိုလို. နာမည်အစက မြတ်” “ဘုန်းကြီးပါစေလို. အလယ်က ဘုန်း
“အဖိုးနာမည်ပါအောင်လို. အဆုံးမှာ သော် ထည့်ပြီး “မြတ်ဘုန်းသော်”လို. အမေ သေသေချာချာ ရွေးပေးထားတာ။”
“သားသားတော့ သိပ်မကြိုက်ပါဘူး”
အဲဒီလိုဆိုရင် အမေက အနီးအနားမှာရှိတဲ့ အမတွေကို စစ်ကူတောင်းနေကျ။ အမတွေကလည်း အမြဲ အားလုံးဝိုင်းပြီး ထောက်ခံကြတယ်။ မြတ်ဘုန်းသော် ဆိုတဲ့ သားသားနာမည် အလှဆုံး အကောင်းဆုံးပေါ့။ ကလေးဆိုတော့ ဘာသိမှာလဲ။ လူကြီးပြောရင် အဟုတ်ထင်သွားတာပဲ။ အမကလည်း နည်းနည်းနောနော မဟုတ်ဘူးလေ။ ခြောက်ယောက်တောင်မှဗျား။

ဘုန်းကြီးဝတ်မယ်လို.တော့ ဘယ်တုန်းကမှ စိတ်မကူးခဲ့ပါဘူး။ ဖြစ်လာတာက ဘုန်းကြီး။ ဖြစ်ချင်တာက ဗိုလ်ချုပ်ကြီး။  “အစိန္တိတမ္ပိ ဘဝတိ၊ စိန္တိတမ္ပိ ဝိနဿတိ။”




0 comments:

Post a Comment

Share

Twitter Delicious Facebook Digg Stumbleupon Favorites More