ဂေါ်ဂျယ် ဒေ၀ူ သင်္ဘောကျင်းမှ မြန်မာလုပ်သား တစ်ဦး ရုတ်တရတ်ကွယ်လွန်
ဂေါ်ဂျယ် ဒေ၀ူ သင်္ဘောကျင်းတွင် အလုပ် လုပ်ကိုင်နေသော ကိုတင်ထွန်းဦး(အသက် ၃၀)သည် ၂၀၁၂ခုနှစ် မေလ ၆ရက် တနင်္ဂနွေနေ့ နံနက် ၆ နာရီဝန်းကျင်တွင် ဘူဆမ်မြို့ရှိ နှလုံးအထူးကု ဆေးရုံတစ်ခုတွင် ရုတ်တရတ် ကွယ်လွန်အနိစ္စရောက်ရှိသွားခဲ့ပါသည်။
ကွယ်လွန်သူ ကိုတင်ထွန်းဦးမှ မွန်လူမျိုးဖြစ်ပြီး၊ ပရပ်(စ်)စက်ရုံတွင် အလုပ်လုပ်ရာနေရာမှ လက်တွင်ထိခိုက် ဒါဏ်ရာရရှိပြီး ခွဲစိတ်အထူးကုဆေးရုံတွင် ဆေးကုသမှုခံယူနေသော ဦးလေးဖြစ်သူ ဦးသိန်းလွင်အား ကူညီရန်အတွက် တစ်လခန့် သွားရောက်၍ အနီးကပ် စောင့်ရှောက်ပေးခဲ့ပါသည်။ ဆေးရုံမှာ ဘူဆမ်မြို့တွင်ရှိပြီး တစ်လပြည့်ပြီးတွင် တစ်ပတ်ခန့် မိမိစက်ရုံသို့ အလုပ်လုပ်ရန် ဂေါ်ဂျယ်သို့ ပြန်သွားခဲ့သည်။ ထို့နောက် စနေနေ့ည အလုပ်ဆင်းပြီးနောက် ဆေးရုံသို့ ပြန်လာရောက်၍ ညအိပ်စောင့်ပေးခဲ့ပါသည်။ တနင်္ဂနွေနေ့၊ နံနက် ၅နာရီခန့်တွင် အိပ်ယာထ၊ မျက်နှာသစ်သည်အထိ ပုံမှန်အကောင်းတိုင်း ဖြစ်သည်။ ထို့နောက် ဦးသိန်းလွင်၊ ဦးအောင်ဆန်းဦး အတူရှိနေရာမှ ရုတ်တရတ် အသက်ရှူကြပ်ပြီး နှလုံခုန်ရပ်သွားခဲ့သည်။ ဆေးရုံရှိ အရေးပေါ်ဌာနမှ အောက်စီဂျင်ပေးခြင်း၊ အသက်ရှူ ကိရိယာများ အသုံးပြု၍ ပြန်လည် အသက်ရှူလာစေရန် ကြိုးစာခဲ့သော်လည်း မရနိုင်သည့် အဆုံးတွင် အနီးရှိ နှလုံးအထူးကု ဆေးရုံသို့ ပေးပို့ခဲ့ပါသည်။ သို့သော် ၎င်း နှလုံးဆေးရုံသို့ ရောက်ပြီးနောက် ကိုတင်ထွန်းဦးမှာ အသက်ဆုံးရှုံးခဲ့ရပါသည်။ ဆေးရုံမှ ဆေးစစ်ချက်မှာ နှလုံရုတ်တရတ် ရပ်သွားခြင်း ဖြစ်ပြီး၊ ဖခင်ဖြစ်သူမှာလည်း အိပ်ယာထဲတွင် အိပ်နေရာမှ ရုတ်တရတ် ဆုံးပါခဲ့ခြင်းကြောင့် မျိုးရိုးဗီဇကြောင့်ဟု ကောက်ချက်ချခဲ့ပါသည်။
ထို့နောက် မေလ ၇ ရက်၊ တနင်္လာနေ့ နံနက်တွင် ၎င်းကွယ်လွန်ရာ ဘူဆမ်မြို့၊ နာမ်ဆမ်းမြို့နယ် အတွင်းရှိ ချင်(မ်)နဲဆေးရုံတွင် ဆရာတော်ဦးဝိစိတ္တ(ဒယ်ဂူဒဆရာတော်)မှ ကြွရောက်၍ သက်ပျောက်တရား ဟောကြားပေးခဲ့ပြီး ဆရာတော်အား နေ့ဆွမ်းဖြင့် ဆက်ကပ်လျှုဒါန်းခဲ့ကြပါသည်။ မေလ၊ ၈ ရက်၊ အင်္ဂါနေ့ နံနက်တွင် ဆရာတော် ဦးပဏ္ဍိစ္စ(ပြည်တော်ဦးဆရာတော်)အား အာရုံဆွမ်းဆက်ကပ်လှူဒါန်ပြီး သံဝေဂ ဆွမ်းသွပ်တရာတော် နာကြားခဲ့ပါသည်။ တရာနာ၊ အမျှအတန်းပေးဝေပြီး နံနက် ၉နာရီခွဲတွင် မီးသင်္ချို စက်သို့ ပိုဆောင်ပေးခဲ့ကြသည်။ ကိုတင်ထွန်းဦး၏ ဈာပဏသို့ ကင်မဲ၊ ဘူဆမ် ၀န်းကျင်ရှိ မိတ်ဆွေ အပေါင်းအသင်းများနှင့် ဘူဖျောင်း မွန်အဖွဲ့အစည်းမှ မိတ်ဆွေများလာရောက်၍ ပို့ဆောင်ပေးခဲ့ကြပါသည်။
ထိုကြောင့် ၇ ရက်၊ ရက်လည် ဆွမ်းသွပ် တရားအား ကျန်ရစ်သူ မိသားစုနှင့် မိတ်ဆွေများမှ ဘူဆမ်၊ ပြည်တော်ဦး ဘုန်းကြီးကျောင်းတွင် ပြုလုပ်မည်ဖြစ်ပါ၍ ဘူဆမ်မြို့အနီးအနားနှင့် ကိုရီယားနိုင်ငံတွင် ရောက်ရှိနေသော မိတ်ဆွေသင်္ဂဟများ တက်ရောက်၍ သံဝေဂတရားနာကြားနိုင်ရန် ဖိတ်ကြားလိုက်ပါသည်။
အစီအစဉ်။ ။ ကိုတင်ထွန်းဦး၏ ရက်လည် ဆွမ်းသွတ် တရားနာ
နေရာ ။ ။ ဘူဆမ်မြို့၊ နာမ်ချောင်မြို့နယ်၊ စမ်းမစ်ဘိချိ တိုက်အမှတ် ၂၁၃၊ အခန်း အမှတ် ၂၀၅ ရှိ ပြည်တော်ဦး ကျောင်း
အချိန် ။ ။ နံနက် ၁၀ နာရီ မှ နေ့လယ် ၁နာရီ အထိ
ရေးသူ ကယားလေး
0 comments:
Post a Comment